بلجیم (این این آئی)یورپی ملک بلجیم کی وزیراعظم صوفی ویلیئم برسلز میں سینٹ پریئر ہسپتال کا دورہ کرنے پہنچیں تو ہسپتال کے طبی عملے نے ان کی آمد پر ناخوشگواری کا مظاہرہ کرتے ہوئے انوکھا احتجاج کیا۔جیسے ہی وزیراعظم صوفی ویلیئم ہسپتال پہنچیں تو تمام طبی عملے نے ان کے استقبال پر خوش آمدید کہنے کے بجائے پیٹ پھیر کے خاموشی سے احتجاج کیا۔

برسلز کے مقامی میڈیا کے مطابق طبی عملے کا وزیراعظم کے خلاف یہ احتجاج کم تنخواہیں، میڈیکل بجٹ میں کٹوتی، کورونا وائرس کے علاج کے لیے حفاظتی سامان کی فراہمی میں لاپرواہی اور نرسنگ پینل کے لیے غیر تجربے کار افراد کو بھرتی کرنے پر کیا جارہا ہے۔سوشل میڈیا پر بیلجیئم میں طبی عملے کااحتجاج کا یہ طریقہ سوشل میڈیا پربھی وائرل ہوگیا ہے۔