اسلام آباد(مانیٹرنگ ڈیسک)کوئی شرم ہوتی ہے کوئی حیاء ہوتی ہے ، غریب کا اچھا مذاق اڑانے کا طریقہ ہے 500روپے کی خاطر لمبی لمبی لائن میں لگوائو اور خود اقتدار میں بیٹھ کر مزے لو ۔ بھارتی سکھ مودی سرکار پر برس پڑا ۔ تفصیلات کے مطابق کرونا وائرس کی وجہ سے بھارت میں بھی لاک ڈائون کی کیفیت چل رہی ہے جس کی وجہ سے بھارتی حکومت کی جانب سے کرونا کی وجہ سے

بے روزگار ہونےوالے افراد کی امداد کیلئے 500روپے دیئے جارہے ہیں جو ان کیساتھ کسی مذاق سے کم نہیں ہیں ۔ اسی حوالے سے بھارتی سکھ نے اپنا ویڈیو پیغام بنا کر اپ لوڈ کیا جس میں اس کا کہنا تھا کہ ایوانوں میں بیٹھ کر اقتدار کا مزہ لوٹنے والے سیاستدانوں کو شرم نہیں آتی جو 500روپے کیلئے لائنیں لگوا کر غریبی کا مذاق اڑا رہے ہیں ۔ اس کا کہنا تھا کہ صبح صادق لوگ یہاں 500روپے کے حصول کیلئے جمع ہوتے ہیں جن کیلئے نہ تو کسی سائے کا انتظام ہے اور نہ ہی پانی پینے کا کوئی بندوبست ہے ۔ میں حاکم وقت نریندر مودی سے پوچھنا چاہتا ہوں جو اربوں روپیہ ایکٹرون سے اکھٹے ہوئے ہیں انہیں کہاں بھیجنا ہے ۔ ہمیں ہمارا حق دیا جائے ۔ بھارتی سکھ نے دہائی دیتے ہوئے کہنا تھا کہ ایک طرف لاک ڈائون کی بات کرتے ہیں جبکہ دوسری جانب چند سو روپے کیلئے بھارتی عوام کی زندگی میں ڈال کر بنا کسی رولز ریگولشن کے لائنیں لگوائی جارہی ہیں ۔ تاہم بھارتی خواتین نے بھی دہائی دیتے ہوئے کہا ہے کہ مود ی سرکار کو چاہیے کہ بھارتی غریب عوام کا ڈیٹا بنا کر انہیں گھر گھر راشن دے تاکہ ہماری زندگیا ں محفوظ ہو سکیں ۔

موضوعات:بھارتی سکھ مودی حکومت