اسلام آباد (مانیٹرنگ ڈیسک) بھارت کے سابق وزیر اعظم اور کانگریس پارٹی کے رہنما منموہن سنگھ کا کہنا ہے کہ بھارت کی موجودہ صورتحال بہت ہی زیادہ سنگین اور پریشان کن ہے۔ ملکی ادارے، میڈیا اور عدالت حالات کنٹرول کرنے میں ناکام رہے۔
نئی دہلی میں ہونے والے مسلم کش فسادات کے بعد بھارتی میڈیا ’دی ہندو‘ میں لکھے گئےاپنے ایک کالم میں سابق بھارتی وزیراعظم کا کہنا تھا کہ جب سے مودی نے کشمیر میں مسلمانوں کا قتل عام کیا اور آج بھارت اسی کا سامنا کر رہا ہے ۔پاکستانی وزیراعظم نے مودی کو کسی لائق نہیں چھوڑا لیکن آج بھی جناب اپنی ضد پر اڑے ہوئے ہیں جس سے میں مودی سرکار اور بھارت کی موجودہ حالت پر بہت زیادہ مایوس ہوں، حکومت کو متنازع شہریت ترمیمی قانون کو واپس لے لینا چاہیے۔مضمون میں انہوں نے مزید لکھا کہ بھارت کو سماجی انتشار، معاشی سست روی اور عالمی سطح پر پھیلی وبا جیسے 3 اہم چیلنچز کا سامنا ہے۔ نریندرا مودی کے لیے بہت ضروری ہے کہ وہ قوم کو صرف الفاظ سے نہیں بلکہ عملاً باور کروائیں کہ جن چیلنجز کا سامنا ہے اس سے با خبر ہیں اور قوم کو یقین دہانی کرائیں کہ وہ مسائل سے نمٹنے میں مدد کریں گے تاکہ ہم ان کا آسانی سے مقابلہ کر سکیں۔
