سٹراسبرگ(آن لائن)یورپی یونین نے برطانیہ کی جانب سے ایک مرتبہ پھر بریگزٹ کی عبوری مدت میں توسیع کے معاملے پر ممکنہ انکار سے متنبہ کیا ہے۔یورپی کمیشن کی چیرمین اورسولا وون نے سٹراسبرگ میں پارلیمنٹ کے اجلاس میں کہا کہ اگر یورپی یونین اور برطانیہ 2020ء  سے قبل دوطرفہ معاہدہ طے نہیں کر پائے ، تو فریقین کو کافی خطرناک صورتحال کا سامنا کرنا ہوگا اور اس کا زیادہ نقصان برطانیہ کو اٹھانا پڑے گا۔موجودہ معاہدے کے مطابق جنوری 2020ءکے آخر میں برطانیہ کے

یورپی یونین سے انخلاءکے بعد31 دسمبر 2020ءتک ایک عبوری مدت ہوگی جس کے دوران برطانیہ یورپی یونین کیساتھ تجارتی تعلقات پر دوبارہ مذاکرات کرے گا۔اس سے قبل برطانوی حکومت کی جانب سے ملنے والی اطلاعات کے مطابق برطانوی وزیرِ اعظم بورس جانسن بریگزٹ معاہدے میں ترمیم پر کام کر رہے ہیں تاکہ عبوری مدت میں توسیع نہ کی جائے۔ ذرائع ابلاغ میں عمومی طور پر یہ خیال کیا جا رہا ہے کہ یورپی یونین اور برطانیہ کا گیارہ ماہ کے اندر تجارتی معاہدے پر اتفاق کرنا مشکل ہوگا۔