مقبوضہ بیت المقدس (این این آئی)فلسطینی اتھارٹی کے سربراہ محمود عباس نے غزہ کی پٹی پر اسرائیلی فوج کی وحشیانہ بمباری کی مذمت کرتے ہوئے عالمی برادری سے فلسطینی قوم کو تحفظ فراہم کرنے کا مطالبہ کیا ہے۔عرب ٹی وی کے مطابق اسرائیلی فوج کی غزہ کی پٹی پر بمباری کے بعد صدرعباس کی طرف سے جاری ایک بیان میں کہا گیا کہ صہیونی ریاست کے فلسطینیوں کے خلاف جرائم پر خاموشی اسرائیلی جرائم کی حوصلہ افزائی کا سبب بن رہی ہے۔ فلسطینی اتھارٹی کے سربراہ محمود عباس نے
امریکا کی طرف سے مشرق وسطیٰ کے لیے تجویز کردہ امن فارمولہ مسترد کر دیا۔ ایک بیان میں صدر عباس نے کہا کہ امریکا کی طرف سے جو امن فارمولہ تجویز کیا گیا ہے اس میں فلسطینیوں کے بنیادی حقوق کو نظر انداز کیا گیا ہے۔ ان کا کہنا تھا کہ امریکی امن اسکیم کے باقاعدہ اعلان سے قبل وہ اسے مسترد کرتے ہیں۔صدر عباس سے پوچھا گیا کہ کیا وہ امریکی ایلچی جیرڈ کشنر کے تیارکردہ مشرق وسطیٰ کے لیے امن فارمولے کو قبول کریں گے ان کا کہنا تھا ہم ایسا کوئی فارمولا تسلیم کریں گے۔
