کراچی(این این آئی)بینظیر انکم سپورٹ پروگرام (بی آئی ایس پی) کی رجسٹرڈ خواتین کیلئے مفت بینظیر سم حاصل کرنے کے طریقہ کار سے متعلق اہم ہدایات جاری کردی گئی ہیں۔
بی آئی ایس پی کے ترجمان کے مطابق مستحق خواتین مفت بینظیر سم کے حصول کیلئے اپنا اصل قومی شناختی کارڈ اور ذاتی موبائل فون ساتھ لے کر قریبی بی آئی ایس پی دفتر جائیں۔ترجمان نے واضح کیا کہ سم کے حصول اور فعال کرنے کا تمام عمل بی آئی ایس پی کے قائم کردہ سرکاری دفاتر کے ذریعے ہی مکمل کیا جائے گا۔
مستحق خواتین کو ہدایت کی گئی ہے کہ وہ کسی فرنچائز، ریٹیلر یا غیر مجاز شخص سے سم حاصل نہ کریں اور نہ ہی اسے فعال کروائیں، جبکہ مفت سم کے حصول کیلئے کسی کو رقم بھی ادا نہ کی جائے۔
