لندن (این این آئی )برطانوی وزیر اعظم ٹریزا مے کے بریگزٹ پلان بی پر ووٹنگ انتیس جنوری کو ہو گی۔ غیرملکی خبررساں ادارے کے مطابق برطانوی پارلیمان کے ایوان زیریں دارالعوام میں مے کی جماعت کی پارلیمانی رہنما آندریا لیڈسم نے بتایا کہ انتیس جنوری کو

اس پلان پر گفتگو کے بعد ارکان پارلیمان اس پر رائے شماری کریں گے۔ برطانوی پارلیمان نے مے کے بریگزٹ منصوبے کو دو دن قبل مسترد کیا تھا، جس کے بعد ان کے خلاف تحریک عدم اعتماد بھی پیش کر دی گئی تھی۔ تاہم مے پارلیمان کا اعتماد جیتنے میں کامیاب رہی ہیں۔

موضوعات:برطانوی وزیر اعظم