عمان(این این آئی)مصری صدر عبدالفتاح السیسی اردن کے دورے پر عمان پہنچ گئے۔غیرملکی خبررساں ادارے کے مطابق وہاں انہوں نے اردن کے شاہ عبداللہ ثانی کے ساتھ ملاقات کی، جس دوران علاقائی صورت حال اور ایران کے خلاف اتحاد بنانے کی امریکی کوششوں پر بھی تبادلہ

خیال کیا گیا۔ اس ضمن میں گزشتہ دنوں امریکی وزیر خارجہ مائیک پومپیو ان دونوں رہنماؤں سے ملاقاتیں کر چکے ہیں۔ اردن کے شاہی محل سے جاری کردہ ایک بیان کے مطابق شاہ عبداللہ ثانی اور صدر السیسی نے فلسطینی اسرائیلی تنازعے اور شام کی صورت حال پر بھی گفتگو کی۔

موضوعات:مصری صدر