اوکلاہاما(این این آئی)امریکی ریاست اوکلاہاما کی فارمیسی میں ہونے والی فائرنگ کے نتیجے میں ایک شخص ہلاک اور 2 زخمی ہو گئے۔امریکی پولیس نے واقعے کی مزید تفصیل جاننے کے لیے اس کی تحقیقات شروع کر دیں۔فائرنگ کا واقعہ اوکلاہاما کے علاقے ٹلسا میں ایک اسٹور کلرک اور شہری کے جھگڑے کے دوران پیش آیا۔
دونوں نے بندوق نکال کر ایک دوسرے پر فائرنگ کردی، جس سے شہری ہلاک، جبکہ فائرنگ کی زد میں آنے میں دیگر 2افراد زخمی ہوگئے۔ابتدائی رپورٹس میں پولیس نے خدشہ ظاہر کیا ہے کہ فارمیسی میں آنیوالے شہری نے لوٹ مار کی تھی۔واقعے کے زخمیوں کو مقامی اسپتال منتقل کیا گیا ہے جہاں انہیں طبی امداد دی جارہی ہے۔
