اسلام آباد(مانیٹرنگ ڈیسک)امریکی سینٹ میں سعودی عرب کے خلاف دو قراردادیں منظور، سعودی ولی عہد شہزادہ محمد بن سلمان صحافی جمال خاشقجی کے قتل کے ذمہ دار قرار، ٹرمپ انتظامیہ یمن جنگ میں سعودی عرب کیساتھ فوجی تعاون مکمل طور پر ختم کرے، قراردادوں میں مطالبہ۔ تفصیلات کے مطابق امریکی سینٹ نے سعودی عرب کیخلاف دو قراردادیں منظورکی گئی ہے۔ پہلی قرارداد میں سعودی ولی عہد کو جمال خاشقجی کے قتل کا ذمہ دار ٹھہرایا گیا جبکہ دوسری قرارداد
میں سینٹ نے ٹرمپ انتظامیہ سے مطالبہ کیا ہے کہ یمن جنگ میں سعودی عرب کے ساتھ فوجی تعاون مکمل طور پر ختم کیا جائے۔ واضح رہے کہ جمال خاشقجی قتل کے حوالے سے پیش کی گئی قرار داد اب ایوان نمائندگان میں جائے گی تاہم اس قرار داد کی کوئی قانونی حیثیت یا اس پر عمل درآمد ضروری نہیں ہے۔قرار داد میں سعودی حکومت پر زور دیا گیا ہے کہ وہ خاشقجی کے قتل میں ملوث تمام افراد کے مناسب احتساب کو یقینی بنائے جبکہ دوسری قرارداد بھی علامتی حیثیت کی حامل ہے۔
