دوحہ (این این آئی) قطری نشریاتی ادارے الجزیرہ نیوز نے طالبان حکام کے حوالے سے دعویٰ کیا ہے کہ امریکا افغانستان میں 17 سالہ جنگ ختم کرکے اپنی فوجیں واپس بلانے کیلئے رضامند ہوگیا ہے۔ قطری نشریاتی ادارے الجزیرہ نیوز نے طالبان حکام کے حوالے سے دعویٰ کیا کہ
قطر میں طالبان نمائندوں اور امریکی وفد کے درمیان ایک اہم ملاقات میں افغانستان میں جاری 17 سالہ جنگ کو ختم کرنے پر اتفاق کرلیا گیا ہے ٗ امریکا نے اپنی افواج کو افغانستان سے نکالنے پر بھی رضامندی کا اظہار کردیا۔قطر میں ہونے والی طالبان رہنماؤں سے ملاقات میں امریکی وفد کے چھ اراکین نے حصہ لیا۔ اس نشست میں افغان وار سے متعلق تمام مسائل زیر غور آئے۔ ملاقات میں امریکی فوج کے افغانستان سے انخلاء، طالبان رہنماوں پر لگی پابندیوں کا خاتمہ، طالبان رہنماؤں کی رہائی اور باقاعدہ طالبان کے سیاسی دفتر کے قیام پر تبادلہ خیال کیا گیا۔ملاقات میں طے پایا گیا کہ مستقبل قریب میں امریکہ اور طالبان کے درمیان اعلیٰ سطح کے اعلانیہ مذاکرات کا آغاز کیا جائیگا جس میں اب تک کے متفقہ امور پر عمل درآمد کرنے کے لیے لائحہ عمل طے کیا جائے گا اور عالمی میڈیا کو بھی معاہدے سے آگاہ کیا جائے گا۔واضح رہے کہ افغانستان میں برسرپیکار دونوں حریفوں کے درمیان قطر میں خفیہ ملاقاتیں بھی جاری ہیں اور اب تک امریکی وفد اور طالبان حکام کے درمیان مذاکرات کے کئی دور ہوچکے ہیں۔ قطری نشریاتی ادارے الجزیرہ نیوز نے طالبان حکام کے حوالے سے دعویٰ کیا ہے کہ امریکا افغانستان میں 17 سالہ جنگ ختم کرکے اپنی فوجیں واپس بلانے کیلئے رضامند ہوگیا ہے۔ قطری نشریاتی ادارے الجزیرہ نیوز نے طالبان حکام کے حوالے سے دعویٰ کیا کہ قطر میں طالبان نمائندوں اور امریکی وفد کے درمیان ایک اہم ملاقات میں افغانستان میں جاری 17 سالہ جنگ کو ختم کرنے پر اتفاق کرلیا گیا ہے
