برلن(انٹرنیشنل ڈیسک )جرمن چانسلر انجیلا میرکل نے کہا ہے کہ جرمنی اور اسرائیل اس بات پر متفق ہیں کہ ایران کو کبھی بھی جوہری ہتھیار حاصل کرنے کی اجازت نہیں دی جانا چاہیے۔ غیرملکی خبررساں ادارے کے مطابق یروشلم میں اسرائیلی وزیر اعظم بینجمن نیتن یاہو کے ہمراہ ایک پریس کانفرنس سے خطاب کرتے ہوئے میرکل کا مزید کہنا تھا کہ اس اتفاق رائے کے باوجود دونوں ممالک اس ہدف
کے حصول کے طریقہ کار پر متضاد رائے رکھتے ہیں۔ اسرائیل کے ایک روزہ دورے کے دوران یروشلم میں موجود جرمن چانسلر میرکل نے کسی فلسطینی رہنما سے ملاقات نہیں کی۔ چانسلر کے ساتھ اْن کی کابینہ کے چند وزراء بھی اسرائیل گئے تھے۔ دونوں ممالک کے مابین بین الحکومتی مذاکرات کے دوران ان وزراء نے بھی اپنے اپنے ہم منصب اسرائیلی وزیروں سے علیحدہ علیحدہ ملاقاتیں کیں۔
