واشنگٹن(انٹرنیشنل ڈیسک)امریکی وزیر دفاع اور مسلح افواج کے ڈپٹی کمانڈر ان چیف جیمز میٹس نے ابو ظہبی میں متحدہ عرب امارات کے ولی عہد الشیخ محمد بن زاید آل نھیان سے ملاقات کی ہے ۔امارات کی سرکاری نیوز ایجنسی کے مطابق دونوں رہ نماؤں کے درمیان دو طرفہ دوستانہ تعلقات بالخصوص
فوجی اور دفاعی شعبوں میں تعاون بڑھانے پر بات چیت کی۔امریکی وزیر دفاع جیمز میٹس اور اماراتی ولی عہد کے درمیان مشرق وسطیٰ کے سلگتے مسائل اور ان کے حل کے حوالے سے تجاویز، دہشت گردی کے خلاف جاری جنگ اور خطے میں امن استحکام اور عالمی امن پر تبادلہ خیال کیا گیا۔
