تہران (انٹرنیشنل ڈیسک)ایران کے ذرائع ابلاغ نے خبر دی ہے کہ حکام نے کئی سال سے زیرحراست تین کرد کارکنوں کو دی گئی سزائے موت پرعمل درآمد کرتے ہوئے انہیں تختہ دار پر لٹکا دیا۔ایران کی نیم سرکاری خبر رساں ایجنسی کے مطابق وکیل حسین احمدی نیاز نے ایک بیان میں کہاکہ ان کے موکل رامین حسین باناھی کو پھانسی دے دی گئی ہے۔ تینوں ملزمان کوانقلاب دشمن کی پاداش
میں سزائے موت دی گئی۔ادھررامین باناھی کے بھائی امجد حسین باناھی نے ایک بیان میں کہا کہ اس کے بھائی سمیت حکام نے تین کارکنوں پھانسی دے دی۔ دوسرے قیدیوں کی شناخت زانیار مرادی اور لوگمان مرادی شامل ہیں۔ ان پر 2009ء میں قتل کا مقدمہ چلایا گیا اور انہیں اس کیس میں سزائے موت دی گئی تھی۔ انسانی حقوق کی تنظیموں نے کرد کارکنوں کی سزائے موت کی شدید مذمت کی ہے۔
