مکہ مکرمہ(انٹرنیشنل ڈیسک))سعودی محکمہ پاسپورٹ نے حج قوانین کی خلاف ورزی پر 5 مقامی شہریوں اور ایک مقیم غیر ملکی کو قید ، جرمانے اور بیدخلی کی سزا دینے کا فیصلہ کرلیا۔ تفصیلات کے مطابق اجازت نامہ کے بغیر عازمین کو مقامات حج پر لے جانے والے شہری فیصل العتیبی کو 15دن قید ، ایک لاکھ 10ہزار ریال جرمانے اور تشہیر کی سزا دینے کا فیصلہ کیا گیا۔ غیر ملکی احسان الحق محمد یوسف کو

15روز قید ، 20ہزار ریال جرمانے ، تشہیر اور سزا کاٹنے کے بعد مملکت سے بیدخل کرنے کا فیصلہ کیا گیا۔علاوہ ازین احمد الیامی کو 15دن قید، 110ریال جرمانے وتشہیر ، احمد الشیخی کو 15دن قید، 30ہزار ریال جرمانے و تشہیر ، زاہر القحطانی کو 15دن قید ، 40 ہزار ریال جرمانے و تشہیر، حمید المعابدی کو 15روز قید، ایک لاکھ ریال جرمانے و تشہیر اور عوض الزہرانی کو 15روز قید اور 80 ہزار ریال جرمانے کی سزا ہو گی۔