برلن(این این آئی)جرمنی میں جنسی زیادتی کے ایک مقدمے میں متاثرہ بچے کی ماں کو ساڑھے بارہ سال قید کی سزا سنا دی گئی ہے۔غیرملکی خبررساں ادارے کے مطابق عدالت نے ایک بیان میں کہاکہ اس خاتون اور اس کے دوست پر اس بچے کو سالوں تک جنسی زیادتی کا نشانہ بنانے کے الزامات ثابت
ہو گئے ہیں۔ عدالت نے خاتون کے دوست کو بھی بارہ سال کی سزا دی ہے۔ بتایا گیا ہے کہ ان دونوں نے اس بچے کوڈارک نیٹ کے ذریعے دیگر مردوں کو بھی فروخت کیا تاکہ وہ بھی اسے اپنی ہوس کا نشانہ بنا سکیں۔ اب اس بچے کی عمر دس برس ہے۔ اس مقدمے پر جرمنی میں شدید غم و غصے کا اظہار کیا گیا۔
