بیت المقدس (آن لائن) اسرائیلی حکام نے مسجد اقصیٰ کے خطیب شیخ عکرمہ صبری کے مغربی کنارے جانے ملک چھوڑنے پر 4 ماہ کی پابندی عائد کر دی ہے۔عرب میڈیا کے مطابق اسرائیلی حکام نے مسجد اقصیٰ کے خطیب پر سفری پابندی کاحکم ایمرجنسی قانون مجریہ1945 کے تحت جاری کیا ہے۔غاصب اسرائیلی حکام نے مسجد اقصیٰ کے خطیب عکرمہ صبری پر مغربی کنارے جانے پر
4 ماہ کی پابندی لگا دی ہے جب کہ اْن کے ملک چھوڑنے پر بھی پابندی عائد کر دی گئی ہے۔صیہونی افواج کی جانب سے مسجد اقصیٰ کے خطیب پر چند سالوں کے دوران پانچویں بار سفری پابندیاں عائد کی گئی ہیں۔خیال رہے کہ مغربی کنارے کے علاقے اور غزہ کی پٹی میں 30 مارچ سے اب تک صیہونی افواج کے ہاتھوں 53 فلسطینی شہید اور سینکڑوں زخمی ہو چکے ہیں۔