پیرس(این این آئی)سعودی عرب اور فرانس کی حکومتوں کے مابین اٹھارہ ارب ڈالر کے بیس اقتصادی معاہدے طے پا گئے ۔ادھر سعودی ولی عہد محمد بن سلمان نے اپنے تین روزہ دورہ فرانس کے آخری دن فرانسیسی صدر ایمانوئل ماکروں سے دوسری مرتبہ ملاقات کی ہے اور اس ملاقات میں نہ صرف مشرق وسطیٰ کے حوالے سے بلکہ ان دونوں ممالک کے مابین پائے جانے والے اختلافات کی بنیادی وجوہات پر بھی تفصیلی بات چیت کی گئی ۔
عرب ٹی وی کے مطابق ابتدائی طور پر ان معاہدوں کی تفصیلات فراہم نہیں کی گئیں لیکن اس سے پہلے سعودی عرب کی سرکاری تیل کمپنی آرامکو نے فرانس کی ٹوٹل سمیت تین بہت بڑی تیل کمپنیوں کے ساتھ معاہدے طے پانے کا اعلان کر دیا تھا۔ سعودی ولی عہد محمد بن سلمان نے اپنے تین روزہ دورہ فرانس کے آخری دن فرانسیسی صدر ایمانوئل ماکروں سے دوسری مرتبہ ملاقات کی ۔ اس ملاقات میں نہ صرف مشرق وسطیٰ کے حوالے سے بلکہ ان دونوں ممالک کے مابین پائے جانے والے اختلافات کی بنیادی وجوہات پر بھی تفصیلی بات چیت کی گئی ۔
