لندن(مانیٹرنگ ڈیسک) برطانیہ میں ایک کمپنی نے برّاعظم یورپ کی سطح پر اپنی نوعیت کا منفرد ترین ہوٹل متعارف کرایا ہے۔ اس کوشش کا مقصد مہمانوں، گاہکوں، مسافروں اور سیاحوں کو سستا متبادل فراہم کرنا اور نرالی چیزوں کے متوالوں کو منفرد تجربے سے لطف اندوز ہونے کا موقع دینا ہے۔ یہ ہوٹل ایک کے اوپر ایک جڑے ہوئے کمروں پر مشتمل ہے جن میں ہر ایک کو کیپسول کا نام دیا گیا ہے۔

میڈیارپورٹس کے مطابق اگرچہ برطانیہ اور یورپ کے حوالے سے یہ بالکل نیا خیال ہے اور ابھی تک مشرق وسطی میں بھی موجود نہیں ہے تاہم مشرق بعید بالخصوص جاپان اور سنگاپور میں اس طرح کے ہوٹل دستیاب اور معروف ہیں۔برطانوی کمپنی نے اس نئے تجربے کو پہلی مرتبہ لندن میں پیش کیا جہاں اس نے ملک میں اپنی نوعیت کا پہلا ہوٹل قائم کیا۔ یہ ہوٹل صرف 26 کیپسولز پر مشتمل ہے یعنی اس میں صرف 26 افراد کی گنجائش ہے۔ یہاں ایک کیپسول میں یا ایک شخص کے لیے رات گزارنے کے اخراجات صرف 25 پاؤنڈ (35 ڈالر کے قریب) ہیں۔ یہ رقم لندن کے وسطی علاقے میں کسی بھی عوامی ہوٹل میں روایتی نوعیت کے کمرے کے کرائے سے بہت کم ہے،ہر کیپسول کے اندر ایک برقی پینل فراہم کیا گیا ہے۔ اس پینل کے ذریعے دن اور رات کے دوران کیپسول کے اندر روشنی کو کنٹرول کیا جا سکتا ہے۔ ہوٹل کی طرف سے مفت وائی فائی کی خدمت بھی فراہم کی گئی ہے۔ علاوہ ازیں ہر کیپسول میں برقی پلگ بھی دستیاب ہیں جس کے ذریعے موبائل فون کی بیٹری چارج کرنے کے علاوہ لیپ ٹاپ بھی استعمال کیا جا سکتا ہے۔  برطانیہ میں ایک کمپنی نے برّاعظم یورپ کی سطح پر اپنی نوعیت کا منفرد ترین ہوٹل متعارف کرایا ہے۔ اس کوشش کا مقصد مہمانوں، گاہکوں، مسافروں اور سیاحوں کو سستا متبادل فراہم کرنا اور نرالی چیزوں کے متوالوں کو منفرد تجربے سے لطف اندوز ہونے کا موقع دینا ہے۔