کابل (مانیٹرنگ ڈیسک) افغان طالبان کی سوشل میڈیا پر سیلفی سامنے آگئی جس نے افغان حکومت اور امریکی فوج کی کارکردگی کا پول کھول دیا ۔غیر ملکی میڈیا کے مطابق غیر ملکی صحافی ایف جیفیری نے سماجی رابطوں کی ویب سائٹ ٹوئٹر پر افغان طالبان کی ایک سیلفی شیئر کی ہے ۔ سیلفی افغان صوبے بغلان کے شہر دھنہ غوری کے مرکزی دروازے کی ہے، شہر کے دروازے پر ایک
جنگجو اپنے ہاتھ میں موبائل پکڑے سیلفی بنا رہا ہے جبکہ دیگر جنگجو ہاتھوں میں پکڑا ہوا اسلحہ اور ڈنڈے لہرا رہے ہیں۔ طالبان کی سیلفی میں چند بچوں کو بھی ہاتھ میں ڈنڈے پکڑے ہوئے دیکھا جا سکتا ہے ۔ طالبان کی سیلفی سامنے آنے کے بعد سوشل میڈیا پر بھی طرح طرح کے تبصرے کئے جا رہے ہیں جبکہ امریکن اور افغان فورسز کے کردار کو بھی تنقید کا نشانہ بنایا جا رہا ہے۔
