بیجنگ(این این آئی)چین کے صدر شی جِن پِنگ نے کہا ہے کہ عالمگیریت کے رجحان کا رخ موڑا نہیں جا سکتا اور اقوام عالم کو اس کے اندر مزید توازن پیدا کرنے اور وسعت پیدا کرنے کے لیے کام کرنا چاہیے۔ غیرملکی خبررساں ادارے کے مطابق اپیک سمٹ میں شی جن پنگ نے امریکی صدر کے اْس بیان کے جواب میں یہ بیان دیا،
جس میں انہوں نے کہا تھا کہ امریکا ایسی تجارتی ڈیل سے باہر رہے گا جن سے امریکی خودمختاری پر حرف آنے کا امکان ہو۔ چینی صدر نے سمٹ میں تقریر کرتے ہوئے کہا کہ ایشیا اور بحر الکاہل کی اقوام اپنی کثیرجہتی حیثیت کو برقرار رکھنا ہو گا۔
