عمان (این این آئی )سعودی عرب سمیت5اسلامی ممالک کے موقف کی حمایت کرتے ہوئے اردن اورموریتانیہ نے بھی قطر کیساتھ اپنے سفارتی تعلقات منقطع کرتے ہوئے الجزیرہ ٹی وی کیلئے ٹی وی لائسنس منسوخ کردیے۔غیر ملکی خبر رساں ادارے کے مطابق عمان کے حکومتی ترجمان محمد المومنی نے کہاکہ عمان نے یہ فیصلہ قطر اور دیگر عرب ریاستوں کے درمیان مسائل کی وجہ کا پتہ چلنے کے بعد کیا ۔اس اقدام کے ساتھ ساتھ ہم نے قطری حکومت کی زیر سرپرستی چلنے والے

ٹی وی چینل الجزیرہ کے لائسنس بھی منسوخ کرد یے ۔ادھرسعودی عرب ، مصر ، بحرین اور متحدہ عرب امارات کے بعدعرب اتحاد کے رکن ملک موریتانیا نے بھی قطر کیساتھ سفارتی تعلقات منقطع کرنے کا اعلان کر دیا ۔افریقی ملک موریتانیا نے بھی سعودی عرب سمیت چار مسلم ممالک کے اعلان کے بعد قطر پر دہشتگردوں کی حمایت کے الزامات لگاتے ہوئے اپنے سفارتی تعلقات ختم کر دیے۔حکومتی بیان میں کہا گیا کہ قطر نے کئی عرب ریاستوں میں بد امنی اور بدامنی کے فروغ کیلئے کام کیا ۔ خطے کے لحاظ سے قطری پالیسی دہشتگرد تنظیموں کی حمایت اورانتہا پسندانہ خیالات سے وابستہ تھی ۔بیان کے مطابق قطر سے سفارتی تعلقات منقطع ہونے کا معاملہ دہشتگردوں کی حمایت سے دستبراد ہونے سے وابستہ ہے۔