ٹیکساس(آئی این پی)امریکی ریاست ٹیکساس میں طوفانی بگولوں کے باعث 5 افراد ہلاک ہوگئے ، تیز ہواں کے باعث کئی درخت اکھڑ گئے ہیں، متعدد چھتیں اڑ گئیں ۔غیر ملکی میڈیا کے مطابق امریکی ریاست ٹیکساس میں طوفانی بگولوں نے تباہی مچادی، تیزہواں کے باعث کئی درخت اکھڑ گئے، متعدد چھتیں اڑ گئیں، بجلی کا نظام بھی درہم برہم ہوگیا۔ امریکی حکام نے ڈرائیورز کو احتیاط برتنے کی ہدایت جاری کردی ہے۔
امریکی ریاست میزوری میں شدید بارشوں اور سیلاب کے بعد ریاست میں ایمرجنسی کا اعلان کردیا گیا ہے۔ بارش کا پانی سڑکوں پر جمع ہونے سے سڑکیں تالاب کا منظر پیش کررہی ہیں جس سے کئی گاڑیاں زیر آب آگئی۔ ٹیکساس اور میزوری میں پروازوں کا شیڈول بھی بری طرح متاثر ہوگیا ہے۔ امریکی حکام نے لوگوں کو غیر ضروری گھروں سے باہر نہ نکلنے کی ہدایت کی ہے۔
