ریاض (مانیٹرنگ ڈیسک )سعودیہ یمن سرحد پر حملے، دو سعودی فوجی جاں بحق ، سعودی وزیر داخلہ نے تصدیق کر دی۔ عرب نیوز کے مطابق یمن کی جانب سے ہونے والے راکٹ حملے اور ایک بارودی سرنگ دھماکے میں 2سعودی فوجی جاں بحق ہو گئے ہیں۔ سعودی وزیر داخلہ نے سعودی فوجیوں کے جاں بحق ہونے کی تصدیق کرتے ہوئے بتایا ہے کہ دونوں فوجی معمول کی بارڈر پٹرولنگ پر معمور تھے جب انہیں حملوں کا نشانہ بنایا گیا ہے۔

واضح رہے کہ سعودی عرب کی یمن میں حوثی باغیوں کےخلاف جنگ میں شمولیت کے بعد سے اب تک 140افراد یمن سے ہونے والے حملوں میں جاں بحق ہو چکے ہیں جن میں سعودی فوجی اور عام شہری دونوں شامل ہیں۔یاد رہے کہ چند دن قبل ہی سابق آرمی چیف جنرل(ر)راحیل شریف حکومت پاکستان کی جانب سے این او سی جاری ہونے پرسعودی خصوصی طیارے کے ذریعے سعودی عسکری اتحاد کی کمان سنبھالنے کیلئے سعودی دارالحکومت ریاض پہنچے ہیں۔