اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر صحافی رئوف کلاسرا نے کہا ہے کہ قطری شہزادے حمد بن جاسم التھانی کو حکومت پاکستان نے سی پیک میں بھی ٹھیکے دیئے ہوئے ہیں۔ پورٹ قاسم کا ٹھیکہ بھی جس قطری کمپنی کے پاس ہے سیف الرحمن اس کے اہم کرتا دھرتا ہیں۔رئوف کلاسرا نے کہا کہ حکومت آگے سے کچھ اور دکھاتی ہے جبکہ اندرونی کہانی کوئی اور ہوتی ہے۔ اب قطری

شہزادے کو خط کا انعام یہ ملا ہے کہ حمد بن جاسم کی کمپنی ’’المرقاب کیپیٹل آف قطر‘‘ پاک ، چین اقتصادی راہداری منصوبے میں بھاری ٹھیکے لے اڑی ہے۔ نواز شریف حکومت کو کسی سے ڈر نہیں لگتا ، نہ وہ نیب سے ڈرتے ہیں اور نہ ہی ایف بی آر، سپریم کورٹ اور دیگر اداروں سے ڈرتے ہیں۔