اسلام آباد(مانیٹرنگ ڈیسک)کانگر یسی لیڈرراہول گاندھی نے مودی کے تین شرمناک مشاغل سے پردہ اٹھاتے ہوئے بی جے پی کو منہ چھپانے پر مجبور کر دیا ہے ۔نریندر مودی پر طنز کرتے ہوئے کانگریسی لیڈر راہول گاندھی نے کہا ہے کہ بھارتی وزیراعظم مودی کو لوگوں کے باتھ رومزمیں جھانکنے میں زیادہ دلچسپی معلوم ہوتی ہے۔یہ بات انہوں نے منموہن سنگھ پر باتھ روم میں برساتی پہننے کے بھارتی وزیراعظم مودی کے ریمارک پر جواب میں کہی
نائب صدر کانگریس نے یہ بھی کہاکہ وزیراعظم کو جھٹکالگنے والا ہے جب اترپردیش اسمبلی انتخابات کے نتائج آجائیں گے۔وہ صدر سماج وادی پارٹی اکھلیش یادو کے ساتھ جوائنٹ پریس کانفرنس کر رہے تھے جس میں انہوں نے ایس پی ۔ کانگریس اتحاد کا 10نکاتی مشترکہ پروگرام بھی جاری کیاان کا کہنا تھا کہ مودی کو جنم پتری پڑھنا ، گوگل میں سرچ کرنا اور لوگوں کے باتھ رومز میں جھانکنا پسند ہے لیکن وہ وزیراعظم کی حیثیت سے ناکام شخص ہیں۔ بی جے پی حکومت کے مرکزی وزیر پرکاش جاوڈیکر نے راہول گاندھی کے اس بیان پر ردعمل دیتے ہوئے کہا ہے کہ راہول گاندھی سے اور کیا توقع رکھی جاسکتی ہے۔
