جدہ (آئی این پی)سعودی عرب کے شہر جدہ میں سیکورٹی فورسز کے آپریشن کے دوران 2دہشتگردوں نے خود کو اڑا لیا۔غیر ملکی میڈیا کے مطابق سعودی عرب کے شہر جدہ کے ایک ریسٹ ہاؤس میں چھپے ہوئے دہشت گرد عناصر کو نشانہ بنانہ کے لیے کِیا جانے والا سکیورٹی آپریشن ختم ہو گیا ۔

ذرائع نے یہ بھی انکشاف کیا ہے کہ جدہ کے مشرقی علاقے الحرازات میں ایک ریسٹ ہاؤس میں دو دہشت گرد ہلاک ہو گئے۔علاقے سے قریبی رہائش پذیر آبادی کے مطابق کارروائی کے دوران سکیورٹی اہل کاروں اور دہشت گردوں کے درمیان شدید فائرنگ کا تبادلہ ہوا جب کہ بعض دہشت گرد عناصر نے ریسٹ ہاس کے اندر خود کو دھماکے سے اڑا لیا۔