پیانگ یانگ(این این آئی) شمالی کوریا نے نئی امریکی انتظامیہ کو پیغام دینے کے لئے ڈونلڈ ٹرمپ کی حلف برداری کے موقع پر میزائل تجربے کا اعلان کیا ہے۔غیرملکی خبررساں ادارے کے مطابق شمالی کوریا نے نئی امریکی انتظامیہ کو واضح پیغام دیتے ہوئے اعلان کیا کہ آج (ہفتہ کو) بیلسٹک میزائل کا تجربہ کیا جائے گا جب کہ مقامی نیوز ایجنسی کا کہنا تھاکہ 2 نئے میزائل موبائل لانچ پر نصب کردیئے گئے ہیں جن کا (ہفتہ کو) باقاعدہ تجربہ کیا جائے گا جب کہ کل ہی میزائل تجربے کا مقصد امریکا کی نئی آنے والی حکومت کو پیغام دینا ہے۔

اطلاعات کے مطابق نیا میزائل سسٹم جدید ٹیکنالوجی سے لیس ہے اور اس کی خاص بات یہ ہے کہ اس میں وہی انجن استعمال کیا گیا ہے جو گزشتہ سال اپریل میں کئے گئے میزائل تجربے میں استعمال کیا گیا تھا۔