ناننگ (آئی این پی) ایک چینی کمپنی نے مچھلی یا گھونگے سمیت چاول نوڈلز امریکہ برآمد کرنا شروع کر دیئے ہیں ، یہ چینیوں کی ایک مرغوب ڈش ہے جو چین کے جنوبی صوبے گوانگ زی زوانگ کے خود مختار علاقے میں گلیوں اور بازاروں میں بڑی مقبول عام ہے ، ایک اور ڈش جو ہن ،میائو اور ڈانگ کوسین’’ لائوسی فین‘‘ ہے جو بانس کے اچار ، خشک شلغم ، تازہ سبزیوں ،مونگ پھلی سے تیار کی جاتی ہے اور بعد ازاں لذیز نوڈلز کے ساتھ پیش کی جاتی ہے ، گوانگ زی کے شہر لیو زو میں لائوسی فین سڑکوں کے کنارے اڈوں پر یا نائٹ مارکیٹوں میں فروخت کی جاتی ہے ۔کمپنی کے مطابق جمعہ کے روز ایسے نوڈلز کے 6لاکھ یوآن مالیت کے 50ہزار پیکٹ بحری راستے سے امریکہ کو بھیجے گئے ، مقبول عام مقامی کوسین کافی عرصہ پہلے بین الاقوامی مارکیٹ میں متعارف ہو ا تھا لیکن سرکاری طورپر معیار کی بعض پیچیدگیوں کے باعث برآمد نہیں ہو سکا تھا ، اب ٹیکنالوجی اور کوالٹی کنٹرول کی صورتحال بہتر ہونے پر لیو زو سے نوڈلز کی یہ ڈشیں بین الاقوامی معیار کے مطابق تیار کی جارہی ہیں اور جانچ پڑتال کے بعد اور کوآرنٹین ایجنسی کی طرف سے اجازت ملنے کے بعد انہیں گذشتہ سال برآمد کیا گیا تھا تا ہم امریکہ اور کینیڈ کو بھیجی جانیوالی یہ پہلی کھیپ ہے ، لیو زو حکومت کے مطابق تائو بائو میں لائوسی فین نوڈلز کی 5ہزار سے زیادہ دوکانیں ہیں جن پر روزانہ 2لاکھ پیکٹ فروخت ہوتے ہیں ، گذشتہ سال ان نوڈلز کی فروخت سے حکومت کو 1.5ارب یوآن کی آمدنی ہوئی ۔