کابل(این این آئی)افغان طالبان نے جنوبی شہر قندھار میں ایک روز قبل ہونے والے بم دھماکے میں ملوّث ہونے کی تردید کردی ہے اور کہا ہے کہ انھوں نے یہ بم نصب نہیں کیا تھا۔افغانستان میں متحدہ عرب امارات کے سفیر جمعہ محمد عبداللہ الکعبی اور جنوبی صوبے قندھار کے گورنر ہمایوں عزیزی اس بم حملے میں زخمی ہوگئے تھے۔میڈیارپورٹس کے مطابق طالبان نے جاری کردہ ایک مختصر بیان میں مقامی داخلی مخاصمت کو قندھار کے گورنر کے مہمان خانے پر بم حملے کا ذمے دار قرار دیا ہے۔اس واقعے میں پانچ افراد ہلاک اور بارہ زخمی ہوگئے تھے۔