واشنگٹن (آئی این پی )امریکہ نے پاکستان میں بلاگرز کے لاپتہ ہونے پر تشویش کا اظہار کرتے ہوئے کہا ہے کہ کستان میں اسٹریٹجک سینٹر قائم کیا جارہا ہے جو امریکی سفارتخانے کی سیکیورٹی اور دیگر ممالک میں امریکی مفادات کی نگرانی کرے گا، پاکستان میں اظہار آزادی کی حمایت کرتے ہیں۔ امریکی محکمہ خارجہ کے ترجمان مارک ٹونرنے کہا ہے کہ پاکستان میں بلاگرز کے لاپتہ ہونے پر تشویش ہے، جبکہ پاکستان میں اظہار آزادی کی حمایت کرتے ہیں۔ واشنگٹن میں بریفنگ کے دوران انہوں نے کہا پاکستان میں اسٹریٹجک سینٹر قائم کیا جارہا ہے جو امریکی سفارتخانے کی سیکیورٹی اور دیگر ممالک میں امریکی مفادات کی نگرانی کرے گا، جبکہ اسٹریٹجک سینٹر پاکستان میں امریکی سفارتخانے کا حصہ ہوگا۔