اسلام آباد(مانیٹرنگ ڈیسک)ترکی میں اغواء کئے گئے پاکستانی شہریوں کا معاملہ حل کرلیاگیا۔ ترک پولیس نے کارروائی کرتے ہوئے 6 مغوی افراد کو بازیاب کرالیا۔ایک نجی ٹی وی کے مطابق ترکی میں پاکستانی سفارتخانے کے ترجمان کے مطابق تاوان کی خاطر اغواء کئے گئے 6 پاکستانیوں کو بازیاب کرالیا گیا، جن میں 4 کا تعلق گوجرانوالہ، ایک پشاور اور ایک کا تعلق مردان سے ہے۔

پاکستانی سفارتخانے کے ترجمان کے مطابق ترک پولیس نے کارروائی کرتے ہوئے عادل احمد، محمد ذیشان، عابد، عثمان علی، اشبر احمد اور فضل امین کو اغواء کاروں کے چنگل سے چھڑالیا، پاکستان نے ترکی سے تمام بازیاب افراد تک قونصلر رسائی مانگ لی ہے۔اس موقع پرپاکستانی دفترخارجہ نے ترک حکام کامغویوں کی بازیابی پرشکریہ اداکیاہے ۔

موضوعات:ترکی