اسلام آباد (مانیٹرنگ ڈیسک) خانہ کعبہ کے غلاف کی صفائی کاکام جاری ہے اور  ٹی وی چینلز کی رپورٹ کے مطابق اس وقت خادم حرمین شریفین غلاف کعبہ کی صفائی بنفس نفیس خود کر رہے ہیں ۔ تفصیلات کے مطابق خادم حرمین شرمین اس وقت الیکٹرک سیڑھی کے ذریعے غلاف کعبہ کی صفائی کر رہے ہیں اور ان کے ساتھ غلاف کعبہ کی صفائی پر مامور باقی عملہ بھی موجود ہے ۔
واضح رہے کہ مکہ مکرمہ میں قائم کسویٰ فیکٹری نے مسجد الحرام میں چوبیس گھنٹے غلاف کعبہ کی صفائی اور نگرانی کے لیے دو ،دو ارکان پر مشتمیں چار ٹیمیں مقرر کررکھی ہیں۔ کسویٰ فیکٹری کے ڈائریکٹر جنرل محمد باجودہ نے بتایا ہے کہ ان ٹیموں کے ارکان مطاف کے ارد گرد ہمہ وقت موجود رہتے ہیں اور وہ اس بات کو یقینی بناتے ہیں کہ غلافِ کعبہ (کسویٰ) کو کسی قسم کا کوئی نقصان نہ پہنچے اور وہ ہمیشہ صاف ستھرا رہے۔