کابل(آئی این پی)بھارت نے ایم آئی 24گن شپ ہیلی کاپٹروں کی آخری کھیپ افغانستان کے حوالے کردی ۔افغان ایئرفورس کا کہنا ہے کہ بھارت نے چار ایم آئی 24گن شپ ہیلی کاپٹر ہمارے حوالے کر دیے ہیں ۔
بھارتی ایئر فورس کے اہلکاروں کی بڑی تعداد افغان فورسز کو گن شپ ہیلی کاپٹروں کی آخری ترسیل کے لئے کابل پہنچ چکے ہیں ۔افغانستان نے گزشتہ سال دسمبر میں بھارتی وزیراعظم نریندر مودی کے دورہ کابل سے قبل 4 ایم آئی24گن شپ ہیلی کاپٹروں میں سے تین حاصل کئے تھے ۔ ایم آئی 24گن شپ ہیلی کاپٹروں کی فراہمی کا فیصلہ افغان قومی سلامتی کے مشیر حنیف اتمر کے دورہ نئی دہلی کے دوران کیا گیا تھا ۔
