دوحہ (مانیٹرنگ ڈیسک)قطر میں مسلسل بارش کے باعث سیلابی صورتحال پیدا ہوگئی ہے جس سے بڑی شاہراہیں زیر آب آگئیں۔ جبکہ دوحہ کے بڑے شاپنگ مال میں بھی پانی داخل ہوگیا ہے۔عرب میڈیاکی رپورٹس کے مطابق قطر کے دارالحکومت دوحا سمیت دیگر شہروں میں مسلسل بارش کے بعد ہنگامی صورتحال پیدا ہونے پر حکام نے وارننگ جاری کردی ہے۔

شہریوں کو سیلاب سے متاثرہ علاقوں میں جانے سے گریز کی ہدایت کی گئی ہے۔فٹ بال کپ دو ہزار بائیس میں قطر کے دارالحکومت دوحا میں ہوگا۔ حکام ورلڈکپ کیلئے بنیادی ڈھانچے کی تیاری پر اربوں ڈالرز خرچ کررہے ہیں جبکہ سیلاب کے باعث بنیادی ڈھانچے کو نقصان پہنچ سکتا ہے۔

موضوعات:بارش ورلڈکپ