لندن(آئی این پی) برطانوی لیبرپارٹی کے اراکین ہاؤ س آف کامن کے اجلاس میں حکومت کے موسم خزاں کے اعلامیے پر اپنے پارٹی رہنماجان میکڈونل کے خطاب کے دوران اپنے اپنے موبائل فون سے کھیلتے رہے۔برطانوی میڈیا کے مطابق جان میکڈونل حکومتی اخراجات کے پلان پراہم خطاب کررہے تھے تواس وقت ان کی اپنی پارٹی کے20 سے زائد اراکین ان کی تقریر سے زیادہ اپنے اپنے موبائل فون میں مصروف رہے۔ جب جان میکڈونل نے چانسلرفلپ ہیمنڈ سے کہا کہ پلان مستقبل کیلیے امید افزا نہیں ہے تو لیبر پارٹی کے اراکین یہ سمجھے کہ اپوزیشن لیڈر جیریمی کاربائن کی قیادت پرمایوسی کا اظہار کیا جا رہا ہے، تمام ارکان 6سال سے برسراقتدار ٹو ری پارٹی پر برس پڑے۔