ریاض(آئی این پی )سعودی دارالحکومت ریاض میں سکیورٹی حکام نے ایک بھارتی شہری کو توہین کعبہ کرنے پر گرفتار کر لیا۔ منگل کو عرب میڈیا کے مطابق ہندوستانی شہری نے فیس بک پر خانہ کعبہ کے بارے میں نازیبا جملے لکھے تھے۔ 40سالہ بھارتی شہری زراعت کے شعبے سے وابستہ تھا۔ملزم نے خانہ کعبہ کی تصویر پر بدھا کی تصویر لگائی تھی اور اسے سوشل میڈیا پر اپلوڈ کیا تھا۔ملزم کو المجامہ شہر کے ایک زراعتی فارم سے گرفتار کیا گیا۔ پولیس ذرائع کے مطابق ملزم سے تحقیقات جاری ہیں اور جرم ثابت ہونے پر قید کی سزا ہو سکتی ہے