تہران (این این آئی)پاکستان کے ساتھ بڑھتی ہوئی دفاعی اورمعاشی شراکت دیکھ کر ایران کا دل بھی مچل اُٹھا،چین کو بڑی خواہش سے آگاہ کردیا، ایرانی صدر حسن روحانی نے کہا ہے کہ ایران دفاعی شعبے سمیت تمام میدانوں میں چین کے ساتھ تعاون کو فروغ دینا چاہتا ہے۔تہران میں چین کے وزیردفاع چانگ وان کوانگ سے گفتگو کرتے ہوئے
صدر حسن روحانی نے کہا کہ دہشتگردی اور دوسروں کے معاملات میں بعض ملکوں کی ناجائز مداخلت، دنیا کو درپیش دو اہم مسائل ہیں صدر ایران نے، خطے میں امن و استحکام اور دہشت گردی کیخلاف جنگ کے حوالے سے ایران کی کوششوں کی جانب اشارہ کرتے ہوئے دونوں ملکوں کے درمیان دہشت گردی کے حوالے سے تعاون کے فروغ پر زور دیا۔ صدر حسن روحانی نے کہا کہ براعظم ایشیا، بحرہند، بحیرہ چین اور خلیج فارس کی سلامتی ایک دوسرے سے وابستہ ہے۔
