کابل (این این آئی)حزب اسلامی افغانستان کے سربراہ گلبدین حکمت یار نے امریکہ کے نومنتخب صدر ڈونلڈ ٹرمپ سے افغانستان میں تعینات امریکی افواج کی فوری واپسی کا مطالبہ کرتے ہوئے کہاہے کہ افغانستان کے عوام کواپنے مسائل خود حل کرنے کا موقع دینا چاہیے۔ہفتہ کو افغان میڈیا کے نام جاری مکتوب میں انہوں نے کہا ہے کہ

افغانوں کو آزادانہ اورشفاف انتخابات کے ذریعے اپنی قیادت کے انتخاب کا موقع دینا چاہئے۔انہوں نے کہاکہ افغانستان میں امریکی افواج کی موجودگی اورفوجی کارروائیوں سے شہری ہلاکتوں کے واقعات رونماء ہورہے ہیں اس ضمن میں انہوں نے قندوز میں حالیہ بمباری کا حوالہ دیا جس میں 30سے زائد شہری ہلاک ہوگئے تھے۔واضح رہے کہ حزب اسلامی اورافغان اعلیٰ امن کونسل نے حال ہی میں ایک امن معاہدے پردستخط کئے ہیں۔

موضوعات:ٹرمپ حکمت یار