اسلام آباد (آن لائن) وزیر مملکت اطلاعات و نشریات مریم اورنگزیب سے سعودی عرب کے سفیر عبدالہ مرذوک الزہرانی نے ملاقات کی ہے جس میں میڈیا سمیت باہمی دلچسپی کے امور پر تبادلہ خیال کیا گیا۔ تفصیلات کے مطابق جمعرات کے روز سعودی عرب کے سفیر عبداللہ مرذوک الذہرانی نے اسلام آباد میں وزیر مملکت اطلاعات و نشریات سے ملاقات کی۔ ملاقات کے دوران گفتگو میں وزیر مملکت مریم اورنگزیب نے کہا کہ پاکستان کے عوام کا سعودی عرب کے ساتھ عقیدت کا رشتہ ہے۔ سعودی عرب نے ہر مشکل وقت میں پاکستان کا ساتھ دیا ہے۔ دونوں ملکوں کے مذہبی ، ثقافتی اور تجارتی تعلقات مضبوط بنیادوں پر استوار ہیں۔ دونوں ملک ایک دوسرے کے تجربات سے استفادہ حاصل کر سکتے ہیں۔ انہوں نے کہا کہ سعودی عرب پاکستان کا تذویراتی پارٹنر ہے۔