تہران( آن لائن ) ایرانی حکام کا کہنا ہے کہ نومنتخب امریکی صدر ڈونلڈ ٹرمپ کو ایران کیساتھ کی گئی ڈیل کی پاسداری کرنی ہو گی۔غیر ملکی خبر رساں ادارے کے مطابق ایران کی جانب سے ڈونلڈ ٹرمپ کو کامیابی پرمبارکباد دیتے ہوئے واضح کر دیا ہے کہ ٹرمپ کو ایران کیساتھ کی گئی نیو کلیئر ڈیل کو عالمی معاہدے کے طور پر پاسداری کرنی ہو گی۔ایران کی جانب سے مزید کہا گیا ہے کہ ٹرمپ کے دورہ اقتدار میں ایران اور امریکا کے مابین اچھے اور خوشگوار تعلقات کی امید ہے تاہم ان تعلقات کی بنیاد نیوکلیئر ڈیل پر ہی ہو گی۔آج امریکا میں ہونے والے 45ویں صدارتی انتخابات میں عوام نے ریپبلکن امیدوار ڈونلڈ ٹرمپ کو آئندہ 4سال کیلئے اپنا صدر منتخب کر لیا ہے ، ٹرمپ کی کامیابی پر کہیں سے مبارکباد کے پیغامات آرہے ہیں تو کئی ممالک نے انکی فتح پر شدید تحفظات اور افسوس کا اظہار کیا ہے۔جرمن وزیر دفاع نے اپنے پیغام میں ٹرمپ کی کامیابی کو بڑا صدمہ قرار دیتے ہوئے کہا ہے کہ ٹرمپ صدارت کیلئے موزوں شخصیت نہیں ہیں۔ دوسری جانب ہیلری کلنٹن کے بہت سے خامیوں نے بھی انتخابی نتائج آنے کے بعد امریکا سے کینیڈا شفٹ ہونے کے حوالے سے سوچ بچار شروع کر دیا ہے۔ایران کی جانبب سے کہا گیا ہے کہ ٹرمپ کو چاہئیے وہ ایران کیساتھ کئی گئی نیو کلیئر ڈیل کی عالمی معاہدے کے طور پر پاسداری کریں۔

موضوعات:ایران ڈونلڈ ٹرمپ