تیونسیا(آئی این پی )اسلام پر تنقید ! وزیراعظم نے اپنے وزیر کو برطرف کر دیا ,بڑا حکم جاری، تیونس کے وزیر اعظم یوسف شاہد نے اپنی کابینہ میں شامل وزیر سلیم عبدالجلیل کو سعودی عرب کے وہابی اسلام پر تنقید کرنے پر برطرف کر دیا ۔ غیر ملکی میڈیا کے مطابق مذہبی امور کے وزیر عبدالجلیل نے اپنے ایک حالیہ بیان میں وہابی اسلام کو دہشت گردی اور شدت پسندی کا سبب قرار دیا تھا۔ وزیر اعظم کے دفتر سے جاری کردہ ایک بیان میں کہا گیا ہے کہ سلیم عبدالجلیل نے امورِحکومت میں اپنی ذمہ داریوں سے کوتاہی کی اور ان کے بیان نے تیونس کی سفارت کاری کو نقصان پہنچایا۔ جمعرات کے روز تیونس کے میڈیا نے بتایا تھا کہ عبدالجلیل نے پارلیمان میں کہا تھا کہ انہوں نے سعودی سفیر پر واضح کیا ہے کہ دہشت گردی اور شدت پسند تاریخی طور پر سعودی عرب سے نکلے ہیں۔