نئی دہلی (این این آئی) تھکاوٹ سے چوربھارتی آرمی چیف بھارتی وزیراعظم مودی کی تقریر کے دوران گر پڑے،میڈیارپورٹس کے مطابق بڑھکیں مارنے کی شوقین بھارتی آرمی چیف کھڑے کھڑے لڑکھڑا گئے۔ہماچل پردیش کے پہاڑی علاقے میں بھارتی زیراعظم نریندر مودی دیوالی منانے کیلئے پہنچے اور فوجیوں سے خطاب کررہے تھے کہ اس دوران آرمی چیف جنرل دلبیر سنگھ سہاگ ان کے پیچھے کھڑے تھے۔ اس دوران تھکاوٹ سے ان کے گٹے گوڈے جواب دے گئے اور ٹانگیں کانپنے لگیں تو وہ زمین پر گر گئے۔ فوجی اہلکار نے انہیں سنبھالا دیا اور وہ دوبارہ کھڑے ہوگئے۔
دوسری جانب بھارتی وزیراعظم نریندر مودی انڈیا کے اب تک کے سب سے زیادہ خبروں میں رہنے والے وزیراعظم ثابت ہوئے ہیں ،چاہے سیلفی لینے کا معاملہ ہو یا گجرات میں ہزاروں مسلمانوں کے قتل کا معاملہ مودی ہمیشہ خبروں کی زینت بنے رہتے ہیں۔حال ہی میں مودی بھارت کی متنازعہ اداکارہ راکھی ساونت کے ساتھ اپنے فارم ہاؤس پر پائے گئے ہیں،دونوں کے درمیان اس ملاقات کو انتہائی خفیہ رکھا گیاتھا۔ذرائع کے مطابق جب راکھی ساونت سے اس ملاقات کے بارے میں پوچھاگیا تو انہوں نے کہا کہ یہ ایک نارمل میٹنگ تھی ہمارے درمیان کچھ بھی نہیں ہے۔جبکہ نریندر مودی کے ترجمان نے راکھی کے ساتھ ملاقات کی مکمل طور پرتردید کرتے ہوئے کہا ہے کہ مودی اور راکھی کے درمیان کوئی ملاقات نہیں ہوئی۔واضح رہے کہ گزشتہ کچھ عرصہ پہلے راکھی ساونت اپنے لباس کی وجہ سے خبروں کی زینت بنی تھیں،جس پر مودی کی تصویر آویزاں تھی۔