منیلا(مانیٹرنگ ڈیسک)فلپائن کے صدر “روڈریگو دوتیرتے” نے ایک بار پھر امریکی صدر کودھوڈالا۔ منیلا میں ایک تقریب سے خطاب کرتے ہوئے فلپائن کے صدر نے امریکی صدر باراک اوباما پر سخت تنقیدکرتے ہوئے کہا کہ امریکی صدر جہنم میں جائیں۔ اُن کا ملک اسلحہ خریدنے کے لیے چین اور روس کا رخ کرسکتا ہے۔انہوں نے یورپی یونین کو بھی آڑے ہاتھوں لیا اور کہا کہ جہنم بھر چکی ہے اِس لیے یورپی یونین بھی کوئی نئی جگہ تلاش کرے۔ فلپائن کے صدر نے کہا کہ یہ اُن کا فرض ہے کہ وہ اپنی قوم کو پُر وقار اور جسمانی طور پر صحت مند رکھیں۔فلپائنی صدر نے اقتدار میں آنے کے بعد سے ملک میں منشیات کے خلاف جنگ شروع کررکھی ہے۔

موضوعات:اوباما فلپانئی صدر