اسلام آباد(مانیٹرنگ ڈیسک) پاکستان کے خلاف نفرت میں اندھی بی جے پی پارٹی کی لیڈرشپ نے پاکستان کے خلاف بیانات دینے کا سلسلہ جاری رکھا ہوا ہے ۔ بی جے پی لیڈر کا کہنا تھا کہ ضروری نہیں کہ جنگ توپوں اور طیاروں کے ساتھ ہو ہمارا بنیادی مقصد پاکستان کے چار ٹکرے کرنا ہے اور ہم یہ کام کر کے رہیں گے۔
تفصیلات کے مطابق بھارتی ٹی چینل کے ٹاک شو پریس کانفرنس میں بات چیت کرتے ہوئے بی جے پی کے رہنما ڈاکٹر سبرا مانین سوامی نے کہا کہ پاکستان کے چار ٹکڑے کرنا ہمارا بنیادی مقصد ہے اور اس مقصد کو پورا ہونا چاہئے ۔ ان کا مزید کہنا تھا کہ مجھے یقین ہے میری یہ بات آنے والے دنوں میں ضرور مانی جائے گی۔ ان کا کہنا تھا کہ ضروری نہیں کہ شروع میں جنگ توپوں وغیرہ کے ساتھ ہو مگر جنگ ہو گی ضرور۔ ایٹم بم کے حوالے سے بڑھکیں مارتے ہوئے حکمران جماعت کے لیڈرکا کہنا تھا کہ پاکستانی ایٹم بم 10 کروڑ بھارتی عوامی کو ختم کر سکتے ہیں مگر بھارتی ایٹم بم 100 سے ا112 کروڑ عوام کو ختم کرنے کی صلاحیت کے حامل ہیں ۔ بی جے پی رہنما کا مزید کہنا تھا کہ اب وقت ہے کہ نہرو نے جو غلطی ہمارے سر پر تھوپی تھی اس کو سدھارا جائے۔ معاہدے دوست ممالک کے ساتھ کئے جاتے ہیں جبکہ پاکستان ہمیشہ دھوکہ دیتا رہا ہے اگر ہم نے انڈس معاہدہ توڑ دیا جائے تو پاکستا ن اپنے پانی میں ہی ڈوب کر مر جائے گا۔
