واشنگٹن (مانیٹرنگ ڈیسک ) امریکا کے شہر واشنگٹن کے علاقے برلنگٹن کے کیس کیڈ شاپنگ مال میں نامعلوم شخص کی فائرنگ سے 4 افراد ہلاک ہو گئے جب کہ حملہ آور فرار ہونے میں کامیاب ہو گیا۔ ہلاکتوں کی درست تعداد شاپنگ مال میں داخل ہونے کے بعد ہی معلوم ہو سکے گی، جس میں اضافے کا امکان ظاہر کیا جا رہا ہے۔
واقعے کے بعد قریبی اسکول کا اسٹیڈیم خالی کرا لیا گیا ہے جبکہ فائرنگ میں ملوث ملزم فرار ہوگیا ہے۔غیرملکی خبررساں ادارے کے مطابق پولیس حکام نے کہاکہ علاقے کا محاصرہ کر کے حملہ آور کی تلاش شروع کر دی گئی ہے جب کہ ایمرجنسی مینٹینس سروس (ای ایم ایس) کے اہلکاروں نے شاپنگ مال کے اندر ریسکیو آپریشن شروع کردیا ہے، اس کے علاوہ حملے میں محفوظ رہنے والوں کو بس کے ذریعے ان کی منزل تک پہنچایا جائے گا۔بتایا جاتا ہے کہ واقعے کے بعد قریبی اسکول کا اسٹیڈیم خالی کرا لیا گیا ہے جبکہ فائرنگ میں ملوث ملزم فرار ہوگیا ہے۔