اسلام آباد(مانیٹرنگ ڈیسک ) گوری خاتون نے بھارتی فوج کی جانب سے کشمیریوں پر کئے جانے والے ظلم کا پردہ فاش کر دیا۔ شائننگ انڈیا کے منہ پر کالک ملتی اپنی ویڈیو میں بھارت کے دورے پر آئی ہوئی ہالی وڈ اداکارہ نے بھارتی فوج کے مظالم اور ظلم و ستم کا پردہ فاش کر دیا ۔ سوشل میڈیا پر جاری “آپ کو کیسا لگے گا” کے عنوان سے جاری ویڈیو پیغام میں انتہائی کربناک اور دکھ بھرے انداز میں کشمیر میں گزارے گئے 70 روز کی داستان کو بیان کرتے ہوئے گوری خاتون بلک بلک کر روتی رہیں۔
بھارت میں سیاحت کے مقصد کے لئے آنے والی ہالی وڈ اداکارہ جب کشمیر گئی تو وہاں بھارتی فوج کے مظام دیکھ کر لرز کر رہ گئیں ۔ اپنے ایک ویڈیو پیغام میں ان ستر دنوں کی داستان سناتے ہوئے خاتون کا چہرہ آنسوؤں سے بھرا رہا اور مسلسل دکھ کے اندا ز میں انہوں نے بھارتی فوج کے مظالم کی تفصیل بیان کر دی ۔
خاتون کے چند دہلا دینے والے الفاظ کچھ یوں ہیں:
“آپ کو کیسا لگے گا کہ آپ کی گلیوں میں ایک قابض فوج ہو اور وہ جو چاہے ، جب چاہے آپ کے ساتھ سلوک کرے”
“آپ کو کیسا لگے گا کہ آپ کے شوہر گھر سے دودھ روٹی لینے کے لئے نکلے اور پھر کبھی واپس نہ آئیں”
“آپ کو کیسا لگے کہ آپ کی بیٹی کی آنکھوںپیلٹ گن سے زخمی کر دی جائیں اور وہ اس کے بعد کبھی بھی دیکھ نہ سکے ”
یہ سب صرف غلط ہی نہیں بلکہ انسانیت کے خلاف ایک بڑا جرم ہو رہا ہے ،بھارتی فوج کشمیری عوام کو قتل کر رہی ہے ان کو تشدد کا نشانہ بنا رہی ہے ، بچوں کو قتل کیا جا رہا ہے، خاتون نے ویڈیو کے آخر میں کشمیریوں کی مدد کی اپیل بھی کی ہے اور اس کے ساتھ ساتھ انہوں نے اس ویڈیو میں چند سوالات بھی اٹھائے ۔
