اسلام آباد(این این آئی)مقبوضہ کشمیرمیں بارہ مولہ کے آڑی سیکٹر میں بھارتی فوج کے ٹھکانوں پر حملے کے نتیجے میں19فوجی ہلاک ہوگئے جبکہ جوابی کارروائی میں چار حملہ آور بھی مارے گئے ،بھارتی فوج کے ٹھکانوں میں دھماکوں کی آوازیں بھی سنی گئیں،حملے کے بعد کئی بیرکوں میں آگ لگ گئی۔ اطلاعات کے مطابق فوج کے 49جوان زخمی بھی ہوئے۔زخمیوں کو ہیلی کاپٹر کی مدد سے سرینگر کے ہسپتالوں میں منتقل کیا گیاہے ،پولیس نے اسے مشتبہ فدائی حملہ قرار دیا ہے، اڑی شہر لائن آف کنٹرول (ایل او سی) کے قریب ہے اور فوجی حکام نے خدشہ ظاہر کیا ہے کہ یہ حملہ آور رات کے کسی حصے میں ایل او سی پار کرکے شہر میں داخل ہوئے ہوں گے۔حملے نے فوجی حکام کو حیرت زدہ کر دیا ہے کیونکہ اس علاقے میں فوج کی بہت زیادہ موجودگی ہے اور کشمیر کی تازہ ترین صورتحال کے پیش نظر وہاں فوج کافی چوکنی ہے۔دوسال قبل اسی ضلع میں موہرا کے مقام پر شدت پسندوں نے حملہ کیا تھا۔ادھربھارتی وزیر داخلہ راج ناتھ سنگھ نے کشمیر کے حملے کے بعداپنا روس اور امریکہ کا دورہ مؤخر کر دیا جبکہ بھارتی فوج کے سربراہ دلبیر سنگھ واقعے کے بعد سری نگر پہنچ گئے ،بھارتی ٹی وی کے مطابق مقبوضہ کشمیرکی ناردرن کمانڈ نے بتایا کہ بارہ مولہ کے آڑی سیکٹر میں واقع فوجی علاقے پر حملہ صبح تقریبا ساڑھے پانچ بجے ہوا۔ بارہ مولہ کے آڑی سیکٹر میں بھارتی فوج کے ٹھکانوں پر حملہ کیا گیا جس کم از کم19فوجی ہلاک ہوگئے جبکہ جوابی کارروائی میں چار حملہ آور بھی مارے گئے۔پولیس کے مطابق بارہ مولہ ضلع کے ا?ڑی سیکٹر میں اتوار کی صبح بھارتی فوج کے ٹھکانوں میں دھماکوں کی آوازیں سنی گئیں۔
پولیس نے اسے مشتبہ فدائی حملہ قرار دیا ہے۔حملے کے بعد کئی بیرکوں میں آگ لگ گئی۔ اطلاعات کے مطابق فوج کے 49جوان زخمی بھی ہوئے۔زخمیوں کو ہیلی کاپٹر کی مدد سے سرینگر کے ہسپتالوں میں منتقل کیا گیا،مقبوضہ کشمیر کے حکام نے بتایا کہ حملے کی جگہ فوج کی سپیشل کمپنی ہیلی کاپٹرز کے ذریعے پہنچائی گئی۔یادرہے کہ مقبوضہ کشمیر میں تقریبا ڈھائی ماہ سے بھارتی قابض فورسزکے نہتے کشمیریوں پر وحشیانہ تشددکے بعد سے کشیدگی کی لہر جاری ہے جس میں 80 سے زیادہ کشمیری افراد شہید اور ہزاروں زخمی ہوئے ،خیال رہے کہ اڑی شہر لائن آف کنٹرول (ایل او سی) کے قریب ہے اور فوجی حکام نے خدشہ ظاہر کیا ہے کہ یہ حملہ آور رات کے کسی حصے میں ایل او سی پار کرکے شہر میں داخل ہوئے ہوں گے۔حملے نے فوجی حکام کو حیرت زدہ کر دیا ہے کیونکہ اس علاقے میں فوج کی بہت زیادہ موجودگی ہے اور کشمیر کی تازہ ترین صورتحال کے پیش نظر وہاں فوج کافی چوکنی ہے۔دوسال قبل اسی ضلع میں موہرا کے مقام پر شدت پسندوں نے حملہ کیا تھا۔ادھربھارتی وزیر داخلہ راج ناتھ سنگھ نے کشمیر کے حملے کے بعداپنا روس اور امریکہ کا دورہ مؤخر کر دیا جبکہ بھارتی فوج کے سربراہ دلبیر سنگھ واقعے کے بعد سری نگر پہنچ گئے ،راج ناتھ سنگھ نے اپنے ٹویٹس میں کہاکہ میں نے داخلہ سیکریٹری اور وزارت کے دوسرے اعلی عہدیداروں کو کشمیر کے حالات پر بغور نظر رکھنے کے لیے کہا ہے۔ آڑی کے حملے کے متعلق میں نے مقبوضہ کشمیر کے گورنر اورکٹھ پتلی وزیر اعلی سے بات کی ہے اور انھوں نے ہمیں ریاست کے حالات سے آگاہ کیا ہے۔

موضوعات:بھارت پر حملہ