واشنگٹن(این این آئی)امریکہ میں رپبلکن پارٹی کی جانب سے صدارتی امیدوار ہلیری کلنٹن نے اپنے حریف ڈونلڈ ٹرمپ کے نصف حامیوں کو گھٹیا کہنے پر معافی مانگ لی ہے جبکہ ڈیموکریٹک پارٹی نے کہا ہے کہ وہ رپبلکن کی ’تعصب پسندی اور نسل پرستانہ بیان بازی‘ کے خلاف لڑتے رہیں گے۔میڈیا رپورٹ کے مطابق ڈونلڈ ٹرمپ نے ہلیری کلنٹن کے بیان کا جواب دیتے ہوئے کہا کہ ان کا بیان لاکھوں دلچسپ اور محنت کرنے والے لوگوں کیلئے توہین آمیز ہے۔معافی مانگتے ہوئے ہلیری کلنٹن نے کہاکہ گذشتہ رات ہم نے بہت ہی عمومی بات کہی جو بہت اچھی بات نہیں ٗ مجھے نصف کہنے پر افسوس ہے اور وہ کہنا غلط تھا۔انھوں نے کہا کہ بہت سے ٹرمپ کے حامی محنتی امریکی ہیں اور وہ سیاسی اور معاشی نظام کی کارکردگی سے بیزار ہیں تاہم انھوں نے اپنے بیان میں زیادہ تر اپنے حریف کو تعصب اور نفرت پیدا کرنے کیلئے تنقید کا نشانہ بنایا اور ’نفرت انگیز خیالات رکھنے اور بیان دینے والوں کو شہ دینے کیلئے بھی انھیں تنقید کا نشانہ بنایا۔