قاہرہ(این این آئی) مصر کی مشہور درسگاہ جامعہ الازھر کی فتویٰ کونسل کے سیکرٹری جنرل شیخ عالم عمران نے کہاہے کہ چہرے کا پردہ لازمی نہیں ہے،چہرے کا پردہ صرف رواج ہے، اگر معاشرے میں چہرے کے پردے کا رواج بھی ہے تو بھی ہر مسلمان خاتون نقاب کرنے یا نہ کرنے میں آزاد ہے،میڈیارپورٹس کے مطابق ایک بیان میں عالمی شہرت کے حامل مذہبی عالم شیخ عالم عمران نے کہاکہ چہرے کا پردہ لازمی نہیں ہے، مصر کی مشہور درسگاہ جامعہ الازھر کی فتویٰ کونسل کے اس سیکرٹری جنرل کا کہنا تھا کہ چہرے کا پردہ صرف ’رواج‘ ہے۔ ان کا مزید کہنا تھا کہ اگر معاشرے میں چہرے کے پردے کا رواج بھی ہے تو بھی ہر مسلمان خاتون نقاب کرنے یا نہ کرنے میں آزاد ہے۔ ایک جرمن نشریاتی ادارے سے گفتگو کرتے ہوئے ان کا کہنا تھا کہ چہرے کے نقاب کا کوئی مذہبی جواز پیش نہیں کیا جا سکتا۔